ظلم کا انٹریسٹ ۔

ظلم تو سہنا یا کرنا ہی ہوتا ہے ۔ اپنے اوپر ہونے والے ظلم کو روکنے کیلئے ظلم کرنا پڑا کرتا ہے ۔ دوسروں پر ہونے والے ظلم کو روکنا مزید ظلم سہنے کا باعث بنتا ہے ۔ ظلم کو روکنے کیلئے کی گئی ہر اجتماعی کوشش ایک نئے ظلم کی ایجاد کا سبب ہی بنی ہے ۔ نیا ظلم پرانے ظلم کو بھی نہیں روک پایا کرتا اور نئے ظلم کو آنے سے بھی نہیں ۔

ظلم پر ہونے والی ذیادہ تر سٹڈیز ظالموں نے یا تو اپنے ظلم کے دفاع میں کی ہیں یا پھر اپنے سے بڑے ظالموں کے ظلم کی مخالفت میں ۔ مظلوم بیچارہ پرانے ظالموں سے کنارہ کش ہو کر نئے ظالموں پر بھروسہ کرتا ہے تو وہ پرانے ظالموں سے بھی بڑے ظالم نکلتے ہیں ۔ پرانے ظالموں کے پاس واپس جانے والوں کا حشر دیکھ کر وہ نئے ظلم کو ہی سہنا شروع کر دیتا ہے ۔

ظالموں کی کوشش رہی تھی کہ انکے مظلوم صرف انکے مخالف ظالموں اور انکے مظلوموں پر ہی ظلم کیا کریں ۔ پر اب تو جی ظالم ہی ظالم کا دوست ہے ۔ ایک ظالم کے مظلوم دوسرے ظالم کے مظلوموں سے چھینا چھپٹی کرتے ہیں ۔ دوسرے مظلوموں کا مال لے آئیں تو مال غنیمت اور اپنے مظلوم جو کام آگئے انکا بچا کھچا بھی مال غنیمت ۔

آپکی اس بارے میں کیا رائے ہے ۔ ضرور مطلع کریں، بہت مہربانی ہوگی آپکی ۔

خدا اور کفر کا انٹریسٹ بھی ظلم میں ہی ہے اور انکے کھاتے میں ظلم بھی انٹریسٹ کی طرح تیزی سے بڑھ رہا ہے ۔